Geen dokumente kan tans by die Suid-Afrikaanse Argief gefotografeer word nie, aangesien die Argiewe almal gesluit is weens die Covid-19 Lockdown wat tans in Suid-Afrika bestaan.
Ons weet nie wanneer dit weer moontlik sal wees om hierdie diens te hervat nie.

LW: Daar is 'n aantal vrylike beskikbare versamelings van Suid-Afrikaanse Boedellêers en/of sterfkennisse op die eGGSA webwerf (eGGSA Document Library) en op die FamilySearch webwerf (FamilySearch South Africa). So ver ons weet bevat die boedels in hierdie versamelings nie alles in die oorspronklike lêer nie, maar die FamilySearch versameling blyk tenminste die sterfekennis, testament en Likwidasierekening te bevat.

Ons kan foto's van dokumente vanaf die Suid-Afrikaanse Argiewe in Natal (Kwazulu-Natal) by Pietermaritzburg (NAB) en Durban (TBD), Vrystaat (Oranje Vrystaat) in Bloemfontein (VAB) en Transvaal (Gauteng) in Pretoria (TAB) verkry.

Die verwysings en besonderhede soos voorsien in die NAAIRS aanlyn indeks MOET voorsien word.

LW: Ons kan NIE afskrifte vanaf die Kaapstadse Argiewe (KAB), wat meganiese kopieëring, van dokumente in hulle beheer, deurmiddel van enige instrument verban het, verkry nie. Hulle lewer blykbaar 'n eie kopieërdiens.

Ons kan ook nie dokumente van enige ander Suid-Afrikaanse Argief verkry nie.

 Hierdie diens is vir enigeen beskikbaar. Lede van die Genealogiese Genootskap van Suid-Afrika (alle huidige lede van eGGSA is lede van dié Genootskap) sal egter 'n 50% korting ontvang.

Aangesien daar nie voor die tyd bepaal kan word hoeveel bladsye gefotografeer gaan word nie sal die finale bedrag wat u vir die fotos moet betaal eers aan die einde van die proses vasgestel kan word en betaling vir die fotos eers versoek word nadat die bladsye afgeneem is.

Vir meer inligting oor die pryse en die voorwaardes betrokke by die diens, lees asseblief: 
Argiewe Dokumente Hulp en Voorwaardes

Betaling kan d.m.v. PayPal of Bankoordrag geskied.

Klik asseblief op die toepaslike knoppie:

(woorde in blou is 'n skakel na meer inliging)